abonneer nu
dossiers
Schiphol wil in de toekomst ongeveer 10.000 vluchten naar Lelystad Airpo...
In 2017 bestaat de gemeente Ooststellingwerf 500 jaar. Dit wordt in èn ...
Ooststellingwervers die zich als vrijwilliger verdienstelijk maken of ie...
Bij een boerderij aan het Buterheideveld in Makkinga zijn op woensdag 19...
Dorpen

Gedichten en meziek in De Veerkieker

Geplaatst op dinsdag 10 oktober 2017 08:35
  • De warkwinkel wodt inleided mit een filmpien. © Lenus van der Broek

  • Stellingwarver gedichten schrieven bi’j de Stellingwarver Schrieversronte. © Lenus van der Broek

pinterestmail

Berkoop - Kotleden gong et schoelebried onderwiesprojekt De Veerkieker uut aende. Et doel is dat kiender in de jaoren dat ze op ’e basisschoele zitten jaorliks in anraeking kommen mit een kulturele instelling of een museum in heur leefomgeving.

Et gaot daorbi’j om De Hoolten Klinte (Appelsche, groep 1), Natuurmonementen en de Rietnymf (De Fochtel, Scharpenzeel, groep 2), Et Kiekhuus (Wolvege, groep 3), de Stellingwarver Schrieversronte (Berkoop, groep 4), de Ooldhiedkaemer (Wolvege, groep 5), Oold Ark en de Weijert (Makkinge, groep 6), et Vlechtmuseum (Noordwoolde, groep 7) en De koloniehof (Frederiksoord, groep 8). Tiedens et bezuuk wodt een warkwinkel geven, die i.s.m. een keunstener uut de regio ontwikkeld is. Op ’e speciaole webstee www.deveerkieker.nl is o.e. te zien wat die bi’jheurende warkwinkel percies inhoolt mit een speciaole lesbrief.

Bi’j de Stellingwarver Schrieversronte gaon de kiender van groep 4 an de slag mit et schrieven van Stellingwarver gedichies. De dag d’r op gaon dezelde leerlingen an de gang mit et maeken van meziek bi’j gedichies waorvan ze een peer de dag d’r veur al heurd of lezen hebben. Veur et eerste diel van de warkwinkel bin een drietal dichtmeugelikheden ontwikkeld, zoas et maeken van een woordgedicht, et in de juuste volgodder leggen van een uut mekeer knipt Stellingwarfs gedicht en et schrieven van een gedicht mit hulpe van woordkaorties. Dit onderdiel van de warkwinkel wodt geven deur Sietske Bloemhoff. 

Et twiede diel van de warkwinkel wodt geven deur muzikaant en theaterman Bas van Domburg. Bi’j him gaon kiender an de gang mit et muzikaol uutbelen van Stellingwarver gedichten.

Tiedens de beide dielen van de warkwinkels vul et mitien op dat kiender niet alliend hiel goed mit de Stellingwarver tael uut de voeten kunnen, mar ok hoe ze de gedichies op een hiele kreatieve wieze muzikaol verwarken. Al nao twie keer was dudelik dat de warkwinkel Tael-Meziek een suksesvolle formule is. De warkwinkel wodt mit mekeer zoe’n twintig keer geven.   

whatsappTip de redactie via WhatsApp! Voeg 'Nieuwe Ooststellingwerver' toe als contact in uw telefoon, 06-5751 5176, en stuur ons uw tips, foto’s en video’s.
LAAT EEN BERICHT ACHTER

U moet zijn ingelogd om een bericht te kunnen plaatsen. Log in of registreer je om een reactie te kunnen plaatsen.