abonneer nu
dossiers
Schiphol wil in de toekomst ongeveer 10.000 vluchten naar Lelystad Airpo...
Karen van Laarhoven uit Oosterwolde is moeder van een tweeling. Eens in ...
Er is de laatste tijd weer veel te doen om de Prikkedam. Het circuit is ...
De komende zomerweken belicht de Nieuwe Ooststellingwerver ‘stalletjes...
Dorpen

Stellingwarfs, Platduuts en Fins in Taeletuun

Geplaatst op maandag 11 juni 2018 08:53
  • © Eigen foto

  • © Eigen foto

pinterestmail

Berkoop - Ommeraek veul belangstelling was d’r tiedens de ofslutende middag van de Stellingwarver weke in et taelepaveljoen MeM in de Taeletuun in Liwwadden. Al et volk dat d’r was hadde et goed bekeken, want Carolien Hunneman en Annie Heger zorgden tegere veur een mooi optreden.

Carolien Hunneman was speciaol overkommen uut Finlaand waor de uut Oosterwoolde ofkomstige singer-songwriter onderhaand al weer vuuf jaor woont. Carolien leut dan ok niet alliend Stellingwarfs heuren, mar ok Fins, de tael die ze onderhaand goed beheerst.

Uut Noord-Duutslaand komt Annie Heger, vandaege-de-dag woont ze in Berlien, mar ze is geboren in Aurich. Ze is zangeres, mar ok aktrice en daanseres. Annie Heger brocht disse middag veural ni’je lieties in et Platduuts, mar ok et tredisonele en rondomtoe bekende lied ’Dat du min Leevsten büst’.

Omreden beide vrouwluden ok zaoterdag al aktief weren in Liwwadden, en mekeer doe kennen leerden, hadden ze veur heur gezaemelike optreden op zundag een zestal gezaemelike lieties veurbereid. Dat was vanzels een mooie overgang van de Stellingwarver naor de Platduutse weke.     

whatsappTip de redactie via WhatsApp! Voeg 'Nieuwe Ooststellingwerver' toe als contact in uw telefoon, 06-3068 9713, en stuur ons uw tips, foto’s en video’s.