abonneer nu
dossiers
Schiphol wil in de toekomst ongeveer 10.000 vluchten naar Lelystad Airpo...
Anne Westerhof bezoekt kunstenaars in hun atelier om ze te portretteren....
Henk Vondeling gaat langs bij boeren in de Stellingwerven. De agrariërs...
Alles over de aanleg van de nieuwe N381 tussen Donkerbroek en Appelscha.
Dorpen

Luusterders genieten van veurleesaktie

Geplaatst op Friday 8 February 2019 18:53
  • © Lenus van der Broek

  • © Lenus van der Broek

  • © Lenus van der Broek

  • © Lenus van der Broek

pinterestmail

Berkoop - Donderdag 7 en vri’jdag 8 feberwaori was d’r in de jaorlikse veurleesweke weer een grote groep van vri’jwilligers van de Stellingwarver Schrieversronte op pad om de bewoners van verpleeghuzen en zorginstellings een mooie veurleesmorgen of –middag te bezorgen.

Ieder jaor hoolt de SSR disse aktie in de eerste helte van feberwaori; dit keer was de koördinaosie d’r van in hanen van Kiena Bouwer van De Haule. 

Van tal van Stellingwarver schrievers wo’n d’r verhaelen veurlezen, vaeks gaot et om humoristische verhaelen en verhaelen over vroeger tieden. De verhaelen slaon altied meraokels an, en vaeke geft een verhael weer anleiding om mit mekeer herinnerings op te haelen. Dat de aktie slim wardeerd wodt, bliekt wel uut de verhaelen daor de veurlezers mit weerommekommen. Ieder jaor kommen d’r butendat weer ni’je groepen bi’j waor an veurlezen wodt.

Zo las Baukje Krediet veur et eerst veur in de Vinckenhoeve in Vinkege en Hendrik Betten an een oolderengroep in et MFA van Berkoop. Omreden de aktie alle jaoren groter wodt is d’r aenlik nog wel verlet van meer veurlezers. Wie mithelpen wil an disse mooie aktie kan him opgeven op et kantoor van de Schrieversronte, dat kan tillefonisch naor 0516-451108 (even vraogen naor Kiena Bouwer) of per mail naor info@stellingwarfs.nl.  

whatsappTip de redactie via WhatsApp! Voeg 'Nieuwe Ooststellingwerver' toe als contact in uw telefoon, 06-3068 9713, en stuur ons uw tips, foto’s en video’s.