abonneer nu
dossiers
Schiphol wil in de toekomst ongeveer 10.000 vluchten naar Lelystad Airpo...
Voor verslaggever Cindy Grootenhuis is eigen haard goud waard. Ze pieker...
Henk Vondeling gaat langs bij boeren in de Stellingwerven. De agrariërs...
Meike van Leuken interviewt muzikanten en bands uit de Stellingwerven. D...
Regio

Ni’je roman van Johan Veenstra prissenteerd

Geplaatst op zaterdag 28 juli 2018 12:03
  • © Lenus van der Broek

  • © Lenus van der Broek

  • © Lenus van der Broek

  • © Lenus van der Broek

  • © Lenus van der Broek

pinterestmail

Berkoop - Vri’jdagaovend kwam de zeuvende roman van Johan Veenstra ’Vroeger is veurgoed veurbi’j’ uut tiedens een literaire aovend in mfc De Ni’je Stienze in Ni’jhooltpae.

De schriever gaf et eerste exemplaor an Sippy Tigchelaar die bi’j Omroep Frieslaand warkt het en indertied bi’j Veenstra thuuskwam om zien radioverhaelties op te nemen. Johan Veenstra vertelde anslutend op indrokwekkende wieze over een pat uut zien ni’je roman, zodat de ongeveer tachtig meensken die de aovend mitmaekten veur een groot diel et boek mitien anschaften. Veenstra wodde tiedens de aovend interviewd deur neerlandikus Peter Riksma uut et Drentse Zaandpol, mar van vroeger uut Wolvege. Et doel is dat een diel van dit interview laeter dit jaor plaetst wodden zal in et Stellingwarfs tiedschrift ’De Ovend’.

Veur meziek zorgde de Grunninger Jan Henk de Groot uut Hoogezaand. Ok dat bleek een schot in de roze te wezen; zien optreden, mit o.e. et bekende ‘De mama van Michel’, wodde ommeraek wardeerd.

Schrieversronteveurzitter Klaas van Weperen eupende en sleut de aovend en vertelde o.e. over de aktiviteiten van de SSR die d’r de kommende tied an zitten te kommen, zoas kommend weekaende et straottheater De Verdwenen Peerden, op 1 september de prissentaosie van et boek van Freddie de Vries, de sutelaktie vanof 3 september en de première van de film ‘Daor klept de klokke weer’ op 13 september.

whatsappTip de redactie via WhatsApp! Voeg 'Nieuwe Ooststellingwerver' toe als contact in uw telefoon, 06-3068 9713, en stuur ons uw tips, foto’s en video’s.