abonneer nu
Evenementen

Voegelkursus in de omkrieten van Hooltpae

Geplaatst op zaterdag 20 januari 2018 09:25
  • Freddie de Vries. © Lenus van der Broek

pinterestmail

Berkoop - Nao et sukses van twie jaor leden gaot kommend veurjaor weer een voegelkursus uut aende in Hooltpae. De kursus wodt, ok krek as twie jaor leden, geven deur de bruurs Johan en Freddie de Vries.

De kursus bestaot uut twie theorieaovens en twie praktieklessen in mooie netuurgebieden.

De beide theorieaovens bin an et aende van feberwaori en in begin meert in Kefé Wever in Hooltpae. De daotums van de praktieklessen zullen tiedens de theorieaovens bekend maekt wodden, vermoedelik bin die aende april, begin meie. Ien van de praktieklessen is morgens betied, daoromme wodt d’r nao de tied gezaemelik een morgenbroggien eten. Dat zit bi’j de kosten van de kursus (25 euro) in, en dat gelt ok veur de twie verterings per kursusaovend.

Ie kun je opgeven bi’j de Stellingwavre Schrieversronte in Berkoop (0516-451108 / info@stellingwarfs.nl, mar ie kun ok bellen naor 0561-688749 (Freddie de Vries).

whatsappTip de redactie via WhatsApp! Voeg 'Nieuwe Ooststellingwerver' toe als contact in uw telefoon, 06-3068 9713, en stuur ons uw tips, foto’s en video’s.